ЁШЛАР ОРАСИДА ЖИНОЯТЧИЛИККА ҚАРШИ КУРАШИШНИНГ ДОЛЗАРБЛИГИ

Ёшлар ҳар бир мамлакатнинг келажаги, тараққиёти ва ривожланишини белгилаб берадиган ҳал қилувчи кучдир. Уларнинг ҳуқуқий саводхонлиги, ижтимоий фаоллиги ва маънавий етуклиги жамият барқарорлиги ва хавфсизлигини таъминлашда муҳим аҳамият касб этади. Шунинг учун ҳам ёшлар ўртасида жиноятчиликнинг олдини олиш, уларнинг ҳуқуқий онгини шакллантириш ва жамиятда ўз ўрнини топишига кўмаклашиш давлат сиёсатида асосий ўринни эгаллайди.