O'ZBEKISTONDA IJTIMOIY ISH VA ISLOHOTLARNING O'ZIGA XOS XUSUSIYATLARI

O‘zbekiston mustaqillikka erishganidan so‘ng, davlatning asosiy ustuvor yo‘nalishlaridan biri alohida yordam va e’tiborga muhtoj bo‘lgan insonlarga manzilli ijtimoiy yordam ko‘rsatishdir. Bu jarayonda aholining ijtimoiy himoyaga muhtoj qatlamlari bilan ishlashda yuqori malakali mutaxassislarga, ayniqsa ijtimoiy ishchilarga ehtiyoj ortdi. Bu o‘zgarishlar yangi kasbiy faoliyat turini, ya’ni “Ijtimoiy ishchi” kasbini shakllantirdi. Bu kasb, asosan, yetim va ota-ona qaramog‘isiz qolgan bolalar bilan ishlashni, ularning ruhiy va ijtimoiy rivojlanishiga alohida e’tibor berishni talab qiladi. Bunday bolalar uchun maxsus muassasalar tashkil etilib, ularni sog‘lomlashtirish, reabilitatsiya qilish va huquqlarini himoya qilish kabi chora-tadbirlar amalga oshirilmoqda.