КЕТОЭФИРЛАР ПАРА-АЛМАШГАН АРОИЛГИДРАЗОНЛАРИ АСОСИДА ОЛИНГАН КОМПЛЕКС БИРИКМАЛАРНИНГ БИОЛОГИК ФАОЛЛИГИ

Глобал иқтисодий инқирозлар ва ер юзида аҳоли сонининг юқори суръатларда ортиши қишлоқ хўжалиги маҳсулотларига бўлган эҳтиёжнинг кескин ортишига олиб келмоқда. Бу эса ўсимликларни ўсиши ва ривожланишини тезлатувчи ҳамда ҳосилдорликни оширувчи биологик фаол моддаларни яратиш ва уларни қишлоқ хўжалиги соҳасига тадбиқ этишни тақозо қилади. Шунинг учун биостимулятор хоссасига эга бўлган таркибида темир, марганец, кобальт, никель каби биоген элементлар сақловчи безарар металлорганик комплекс бирикмаларни синтез қилиш, уларнинг кимёвий ва биологик фаоллигини ўрганиш ва амалиётга тадбиқ этиш муҳим аҳамият касб этади.