ҲАРБИЙ ХИЗМАТЧИЛАРНИНГ КАСБИЙ ФАОЛИЯТГА МОСЛАШУВИДА ПСИХОЛОГ ОЛИБ БОРАДИГАН ИШ ЙЎНАЛИШЛАРИ

Ҳар бир давлатнинг асосий вазифаларидан бири – жамиятни, умуман олганда, фуқароларни қуролланган ҳолда ҳимоялаш ҳисобланади. Шу сабаб давлатнинг мажбурий институтлари орасида унинг қуролли кучлари тизимини, ҳарбий хизматчилар тоифасини алоҳида эътироф этиш зарур. Таъкидлаш лозимки, асосий фаолияти қуролли вазифаларни бевосита бажаришни назарда тутмаса-да, ҳар қандай шароитда ва исталган вақтда, яъни зарурият туғилганида, ижтимоий аҳамиятли мақсад ва мотивлар билан шартланган тарзда уларни бажаришга доимий тайёр туришлари тақозо этиладиган одамлар жамоаси мавжуд.