BOLALAR ORASIDA TASODIFIY JAROHATLARNING UCHRASH CHASTOTASI VA IQTISODIY BOG'LIQLIGINI O'RGANISH

Annotatsiya. Bolalar orasida tasodifiy jarohatlar ko‘p uchrab turadi va bunga shunchaki qarab bo‘lmaydi. Sababi, bunday jarohatlar ularning sog‘lig‘iga jiddiy zarar yetkazadi, ularning hayot faoliyatini cheklashi, nogironlikka olib kelishi, xattoki bunday jarohatlar natijasida ular hayotdan ko‘z yumishi ham mumkin. Bolalarda, ularning yoshiga qarab turli xildagi tasodifiy jarohatlarning uchrash chastotasi o‘zgarib turadi. Bu turdagi bahtsiz hodisalar asosan 1-3 yoshli bolalardan, to 15-18 yoshdagi bolalarda ayniqsa ko‘p uchrab turadi. Ushbu maqolamizda tasodifiy jarohatlarning yoshga va jinsga aloqadorligi, shu bilan birga iqtisodiy bog‘liqligi o‘rganib chiqilgan. Tasodifiy jarohatlar sabablaridan biri ota-onalarning e’tiborsizligi, yetarlicha tibbiy bilimga ega emasligidir. Ota-onalar murabbiylarning bolalarga ularning hayoti davomida o‘zlarini asrashlari zarurligi bo‘yicha tushuntirish mashg‘ulotlari yetarlicha o‘tkazilmasligi ham sabab bo‘la oladi. Boshqa tomondan olganda esa tasodifiy jarohatlar asosan iqtisodiy qashshoq, qiynalgan mamlakatlar hissasiga to‘g‘ri kelar ekan.

Kalit so‘zlar: tasodifiy jarohatlar, iqtisodiy qiyinchilik, cho‘kish, kuyish, yiqilish, fobiya, birinchi yordam,yangicha yondashuv, pediatr.