MOVAROUNNAHR HUDUDIDAN YETISHIB CHIQGAN TASAVVUF ALLOMALARI

Movarounnahr (hozirgi Markaziy Osiyo hududlari) tasavvuf olimlari va tariqatlariga boyligi bilan ajralib turadi. Ushbu hududdan yetishib chiqqan ulug‘ allomalar nafaqat o‘z davrida, balki bugungi kunda ham tasavvuf falsafasining asosiy qoidalarini targ‘ib etib, xalq ma’naviy  hayotiga kuchli ta’sir ko‘rsatgan. Movarounnahrning tasavvufiy olimlari O‘rta Osiyodan tashqariga, musulmon dunyosiga tarqalgan ta’limotlari orqali xalqlar orasida halollik, kamtarlik, Allohga muhabbat va ruhiy poklikka erishish masalalarini keng yoydi.