BOSHLANGʻICH SINF OʻQUVCHILARIGA OʻSIMLIKLARNING TUZILISHI BOʻYICHA OLINADIGAN MA'LUMOTLARNI IDROK QILISH IMKONIYATLARI

Maqola boshlangʻich sinf oʻquvchilariga “Oʻsimliklarning tuzilishi” mavzusidagi amaliy mashgʻulotlarda ma’lumotlarni idrok qilish usullarini takomillashtirish bilan oʻquvchilarning tasavvurlari va ijodiy fikrlash koʻnikmalarini rivojlantirish muammolariga bagʻishlangan. Bu tadqiqotning tabiat bilan insonning birgalikdagi rivojlanishiga, ekologik ta’lim-tarbiyadagi oʻrni oʻta muhim. Chunki oʻsimliklarni oʻstirish boʻyicha amaliy mashgʻulotlar bir tomondan oʻquvchilarning mehnat qilish koʻnikmalarini shakllantirsa ikkinchi tomondan tabiatga boʻlgan qiziqishlarini shakllantiradi. Oʻsimliklarning tuzilishini oʻrganish jarayonida ma’lumotlarni “Intellekt xarita” yordamida idrok qilish bolalarning tasavvurlari va ijodiy fikrlash koʻnikmalarini rivojlantirshning sermahsul vositasi boʻladi. “Oʻsimliklarning tuzilishi” intellect xaritasi oʻsimlik tuzilishi, elementlari, ularni idrok qilish mexanizmi va bu jarayonning birgalikda tasavvur qilinishi va demak ijodiy fikrlash koʻnikmalarining rivojlanishiga yordam beradi.

Kalit soʻzlar. Tabiiy fanlar, Science, joriy etilishi, oʻquvchi, atrof-muhit, oʻsimliklar tuzilishi, ildiz, tana, barg, guli, mevasi, tasavvur, idrok, intellekt xarita, ijodiy fikrlash, koʻrish, eshitish, sezish, ta’m bilish, hid bilish.