USMON AZIM SHE'RIYATIDA OKKAZIONALIZMLARNING QO'LLANILISHI VA ULARNING MA'NOVIY-USLUBIY XUSUSIYATLARI

 “Badiiy ijodda shoir va yozuvchilar doimo yangi so’z yasashga intilib keladilar. Bu qonuniyatdir. Chunki so’zning tasviriy imkoniyatidan mumkin qadar keng foydalanishga intilish, kutilmagan, g’ayriodatiy, yangi obrazlar yaratish ehtiyoji,  ifodani yangicha tarzda berish  zarurati  ijodkorlarni ana shunday yo’l tutishga undaydi.”[1] Ana shu ehtiyojdan kelib chiqib, adiblar va yozuvchilarning dunyoqarashiga xos bo’lgan, faqat ularning asarlarida uchraydigan, umumxalq tilida ommalashib ketmagan yasalmalar, favqulotda o’zgacha  qo’llashlar- okkazionalizmlar vujudga keladi.