OLIY TA’LIMDA ELEKTRODINAMIKA BO‘LIMINI O‘QITISHDA EMPIRIK METODLAR ORQALI MUSTAQIL TA’LIMNING SAMARADORLIGINI OSHIRISH

Abstract

Fizikani o‘qitishda, ayniqsa elektrodinamika bo‘limida, empirik metodning ahamiyati katta. Bu metod nafaqat nazariy bilimni, balki uning amaliy ifodasini ham ko‘rsatadi. Talabalarda nazariya va amaliyot o‘rtasidagi bog‘lanishni shakllantirishda empirik metodga asoslangan mustaqil ta’lim muhim o‘rin tutadi. Bu jarayon talabani o‘z izlanish faoliyatining subyektiga aylantiradi

Empirik metodning ilmiy asoslari Aristotel, Bekon, Galiley va Nyuton kabi olimlar tomonidan ishlab chiqilgan. Ularning yondashuvida tajriba va kuzatish asosiy bilim manbai sifatida qabul qilingan. Hozirgi ta’lim tizimida empirik metod konstruktivistik pedagogika bilan uyg‘unlashgan holda qo‘llaniladi. Ya’ni talaba o‘z tajribasi orqali yangi bilim hosil qiladi, o‘qituvchi esa yo‘lboshchi sifatida uni mustaqil fikrlashga va muammolarni hal qilishga yo‘naltiradi