RUS TILIDAGI ILMIY MANBALARDA O‘RTA OSIYO XALQLARINING DEMOGRAFIK JARAYONLARI

Abstract

XIX asrning 2-yarmi – XX asr boshlarida O‘rta Osiyo hududining Rossiya imperiyasi tomonidan bo‘ysundirilishi mintaqaning nafaqat siyosiy hayotida, balki uning demografik, etnik va ijtimoiy tuzilishida ham jiddiy o‘zgarishlarni vujudga keltirdi. Mustamlaka ma’muriyati o‘lkani boshqarish, soliq tizimini tartibga solish va eng muhimi, imperiya markazidan bu yerga rus aholisini ko‘chirib keltirish siyosatini amalga oshirish uchun mahalliy aholining aniq soni, etnik tarkibi hamda joylashish hududlarini jiddiy o‘rganishga majbur edi. Shu sababli harbiy ma’murlar va olimlar tomonidan aholining demografik ko‘rsatkichlariga oid ko‘plab statistik to‘plamlar, yo‘l xotiralari hamda maxsus monografiyalar nashr etildi.