NAVOIYSHUNOSLIK VA BOBURSHUNOSLIKDAN QATRALAR

Abstract

So‘z mulkining sultoni hazrat Alisher Navoiyning asarlariga murojaat qilgan har bir mumtoz adabiyot muhibi tuyadigan bir holat borki, bu Navoiy lirikasining uning zamondoshi bo‘lgan shoir Bobur she’riyatiga ruhan yaqinligidir. Bu ikki ulug‘ shoirning ko‘ngil olami shu qadar bir-biriga vobastaki, ularning ba’zi ruboiy, g‘azallarini o‘qigan kitobxon  bu misralar ikki ijodkor qalamiga mansub ekanini sezmay ham qoladi gohida.  Bu holatni adabiy ta’sir bilan bog‘liq jarayon ham deyish mumkin, ammo she’r ko‘ngil ishi ekan, Navoiy va Bobur shaxsini birlashtiradigan ham shu qalban o‘xshashlikdir.